КК Гостивар во финишот ја загуби битката со Кожув 87:82

Заврши натпреварот во Гевгелија помеѓи екипите на Кожув и КК Гостивар. Домаќините славеа со резултат 87:82. по четвртини (24:20, 14:23, 20:17, 29:22)

Неизвесен и тежок натпревар одиграа екипите од врвот на табелата, во кој победникот се одлучуваше во последните секунди. Домаќините добро го отворија мечот добивајќи го првиот период (24:20), за вториот да им припадне на гостите од Гостивар (14:23) заминувајќи на паузата со водство од +5.

Во вториот дел делуваше како Гостивар да ја има победата во свои раце, имаше водство до минута пред крај, но кошаркарите на Кожув успаа да се изборат за цел плен во поседните 30 секунди.

Играчот на гевгеличани Еван Пејн беше најефикасен на натпреварот со 27 поени, кај гостиварци Ѓорѓе Џелетовиќ беше постигна 25 поени, Костоски запиша 19, Диме Тасовски 17 поени, Ре.Димитриевски 11, Доналдсон и Димчевски по 5 поени.

Со оваа победа Кожув изби на првото место на табелата, поради подобрата кош разлика од екипита на Работнички, Гостивар и Еуроникел, МЗТ со натпревар помалку е на петтата позиција.

Во следното коло во Младост во Гостивар, гостува екипата на МЗТ 2.