КК Гостивар во сабота го игра последниот натпревар во „Младост“ во 2018 година

Кожув во првото коло, и во низа Фени Индустри, Блокотехна, Шкупи, Вардар, Пелистер се екипите кои ја почуствуваа силата на КК Гостивар во досегашниот дел од сезоната. Следен противник на „бело-сините“ е екипата на КК АВ Охрид.

„Галебите“ се наоѓаат во долниот дел од табелата имаат скор од 2 победи и 6 порази. Американецот, Кевин Хил им е најопасен играч. 
Во досегашните дуели, охриѓани немаат победа против КК Гостивар.

Ова е претпоследен натпревар пред зимската пауза во кошаркарското првенство, а последен во Спортската сала Младост за оваа 2018 година. 

Кошаркарите, тренерот, управата ги повикуваат сите љубители на кошарката од Гостивар, да дојдат и дадат максимална поддршка на овој натпревар и со победа ја испратат 2018 година од „Младост“.

Натпреварот се игра во сабота, од 18 часот. Влезниците се пуштени во продажба. Во тек е наградната игра во која КК Гостивар доделува влезници и подароци за своите навивачи.