Поврзи се со нас

Вести Гостивар

КК Работнички и КК Гостивар ќе се сретнат денеска од 17:30 во Куманово

На три кола пред крајот на Супер лигата, екипата на КК Гостивар денеска ќе се сретне со шампионот Работнички.

Ова ќе биде четврта меѓусебна пресметка на овие две екипи сезонава. Работнички има две победи, Гостивар една. Поради суспензија на салата Градски парк во Скопје, тимот на Марин Докузовски домашните натпревари ги играше во Гостивар, но за овој дуел шампионот одлучи натпреварот да се игра во Куманово.

Домаќините се наоѓаат на втората позиција со 49 бодови, 22 победи и 5 порази и како стојат работите наверојатно ќе ја завршат Супер лигата на таа позиција.

Гостиварци со 46 бодови, 19 победи и 8 порази се наоѓаат на третото место, но исти скор има и екипата на Блокотехна со која се борат за третата позиција.

Бидејќи првите четири екипи и математички обезбедија учество на завршниот фајнал-фор, се чека само конечниот распоред на табелата, според кој ќе се одредат полуфиналните двојки, важи правилото 1-4, 2-3. Секоја екипа си има свои калкулации и гледање не работите, но може да се рече дека се насетува како првите две екипи се трудат да ја избегнат екипата на КК Гостивар во полуфиналето.

Пресметката помеѓу КК Работнички и КК Гостивар се игра од 17:30 часот, во училишната сала на СОУ Перо Наков во Куманово. МРТВ ќе врши директен пренос од овој дуел.

Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно

error: Содржината е сопственост на Gostivarpess.mk!