Гостивар
Книгите во карантин, па пак на полица – во библиотеката во Гостивар има нови правила
Заштитата од коронавирус станува приоритет и за установите кои делуваат во областа на културата. Во тој правец промени има и во работењето на градската библиотека во Гостивар. За да се најдат повторно на полица и да може да се издаваат, книгите вратени од читатели најпрво мора да поминат три дена во карантин. Раководството на гостиварскиот Центар за култура, во чиј склоп функционира библиотеката оваа пракса ја презело по светски примери, за да ги заштити читателите, со оглед на сознанијата дека коронавирусот може извесно време да се задржи на хартија.
Библиотеката извесно време беше и затворена, но сега веќе има воспоставено нормален тек на работа.
„Библиотеката сега функционора на начин што книгите кои ги враќаат нашите членови, задолжително се оставаат во карантин три дена, пред да може повторно да се позајмуваат. Интересот за читање, за среќа не се изгуби кај нашите читатели, и тие што го сакаат пишаниот збор и ја негуваат културата на читање, доаѓаат и земаат книги. Се разбира притоа се почитуваат општите мерки на заштита: носење маски, дезинфекција и ред во влегувањето внатре со одржување на растојание. Во изминатиот период го имаме збогатено и книжниот фонд со нови наслови популарна литература на албански и на македонски јазик“, вели Ход Мифтари, директор на Центарот за култура АСНОМ во Гостивар.
Пандемијата го диктира и организирањето на културните настани воопшто, како изложби, театарски претстави, промоции и слично. Центарот во Гостивар во текот на месеците кога имаше карантини и полициски час, направи напор да не се заборават културните вредности, преку неколку онлајн настани. Се организираа концерти и проекции кои публиката можеше да ги следи преку интернет.
Градската библиотека во Гостивар, инаку е една од најстарите во земјава, а за читателите на располагање има над 65.000 наслови на книги од секаков вид на литература.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар