Кое грозје е поздраво црното или белото?

Да ја разрешиме дилемата уште на самиот почеток. Без разлика на тоа кое грозје ќе изберете, освен разликата во вкусот придобивките се еднакви, веднаш ќе го освежите вашето тело и снабдите со потребните витамини.

Сезона е на грозје, и совршено време за конзумирање на ова здраво овошје. Покрај тоа што е слатко и вкусно, грозјето нуди многу придобивки за нашето здравје.

Најголема придобивка од грозјето е внесувањето на цело богатството со антиоксиданти во организмот. Имено, фитонутриенти наречени полифеноли. Овие антиоксиданти се врзуваат за „слободните радикали“ во организмот и ги намалуваат масните наслаги на крвните садови, а со тоа го подобруваат здравјето на срцето.

Без оглед на видот на грозјето, можете да бидете сигурни дека зрната се полни со есенцијални витамини како што се витамин А, витамин Ц, витамин Б6, витамин Б и фолна киселина. Околу 100 гр грозје содржи близу 20-25% од дневните потреби за витамин Ц. Една од причините зошто грозјето е добро за вашето здравје се различните минерали што вашето тело може да ги добие преку ова овошје. Најважните минерали во грозјето се манган и калиум. Тие се неопходни за одржување на здравјето, го намалуваат ризикот од хипертензија, помагаат при депресија и влијаат на имунитетот. Други минерали кои се наоѓаат во грозјето се бакар, цинк, калциум, фосфор, железо и селен.