Кога и зошто започнал да се употребува зборот карантин?

Карантин е збор којшто постојано го слушаме и користиме во изминатиот период, откако во светот беше прогласена пандемија на Ковид 19. Но, дали сте се запрашале од каде води потекло овој збор и како настанал?

Одговорот на ова прашање не носи назад во 14 век во Венеција, Италија, кога човештвото ја преживувало една од најголемите пандемии – на црна чума.Кога болеста почнала да се шири и во Венеција, властите донеле мерки, бродовите со патници кои пристигнувале на пристаништата, да поминат 40 дена во изолација, па дури потоа, доколку никој немал никакви симптоми да им се дозволи влез во градот. „Карантин“ доаѓа од италијанските зборови quaranta giorni што значи 40 дена.

Интересен податок врзан со спроведување на карантин датира од 1917 година. За време на Првата светска војна, властите во САД откриле дека голем процент од војниците биле заразени со полово преносливи болести – сифилис или гонореја.

Заради тоа, околу 20.000 жени, проститутки и девојки за кои било утврдено дека имаат  венерична болест, биле затворени и држани и лекувани во карантин. Просторот кадешто ги чувале бил ограден со бодликава жица и имале 24 часовен надзор.