Кога сакате брз и лесен десерт направете бисквит ролат со кафе

Овој десерт се подготвува за петнаесетина минути, а потребните состојки веројатно поголемиот дел од нас веќе ги имаат во кујната. Значи, е одличен избор кога сакате да се засладите, а да не се мачите многу со подготвување.

Состојки:

250 гр. мелени бисквити
175 гр. шеќер во прав
50 гр. рендано црно чоколадо
филџан сварено турско кафе

За фил:

60 гр. маргарин
75 гр. шеќер во прав
кесичка ванилин шеќер

Подготовка:

Во мелените бисквити и шеќерот во прав, додајте го ренданото чоколадо. Замесете смеса додавајќи сварено кафе, по потреба до саканата густина. Потоа смесата, поделете ја на три дела и секој од нив расукајте го како тесто со дебелина од 4-5 мм. Смесата развлекувајте ја на алуминиумска фолија.

Филот се подготвува со добро мешање на сите состојки, со миксер.

Секој од трите дела тесто премачкајте го со тенок слој изматен фил, ставете ги слоевите еден врз друг и завиткајте ги во ролат. Оставете во фрижидер да се стегне, пред да послужите.