Спорт

Кога си МВП во НБА признанието и до штала во Сомбор го носат

Објавено

пред 3 години

на

13/05/2022

Од

Gostivarpress.mk

Најдобриот кошаркар во НБА, Никола Јокиќ ја прими МВП наградата за оваа сезона, признанието му беше доделено пред неговата штала со коњи во Сомбор, Србија.

Surprise in Sombor✈️🇷🇸 We flew to Serbia to surprise the BACK-TO-BACK MVP! And, wow, this moment was special. pic.twitter.com/aFvIEDgnSj

— Denver Nuggets (@nuggets) May 11, 2022

Лично и персонално, сопственикот на Денвер Џош Кронки, тренерот Мајк Мелоун, генералниот менаџер Тим Конели, фитнес тренерот Фелипе Ајхенбергер, директорот за развој на играчи Огњен Стојаковиќ, неговиот менаџер Миодраг Ражнатовиќ, допатуваа од Америка и со тамбураши го чекаа пред неговата штала со коњи во Сомбор да му ја предадат МВП наградата.

Американците од Денвер добро знаат колку е вредна наградата, па ваквиот гест, да се организираат во тајност и да го изненадат играчот во родниот крај, во 75 годишното постоење на НБА лигата не се памети.

Никола Јокиќ втора сезона по ред беше прогласен за најкорисен кошаркар во НБА.

На многумумина не им е јасно дали Јокиќ има поголема страст за кошарката или за коњите, на што одговара неговиот менаџер.

Нема голема дилема, коњите се неговата најголема страст – смета неговиот менаџер Миодраг Ражнатовиќ. – Ја сака кошарката, но коњите му се на пиедестал. Барем јас така чувствувам. Се дружеше со нив со години пред да развие љубов кон кошарката.

Сподели ја веста:

Поврзани теми:

Следнo

Студената „Младост“ станува жешка: КК Гостивар денеска го пречекува Пелистер

Не пропуштај

Кошаркарите на Гостивар славеа во Скопје против Феникс 60-73