Здравје и убавина
Кога треба, а кога е штетно да ја спуштате температурата со лекови?
Способноста на организмот да развива високи температури, укажува на силен, борбен организам и виталност. При висока температура се забрзуваат метаболичките процеси за 5 до 8 пати, се зголемува производството на интерферони, со што се спречува развојот на вируси, количината на железо во крвната плазма се намалува, а тоа е важно за спречување на растот на бактериите. Се зголемува и движењето и дејствувањето на белите крвни зрнца, кои ги уништуваат микробите.
Затоа, кога се соочувате со покачена температура, не посегнувајте веднаш по лекови. Многу луѓе во тој поглед грешат и не му дозволуваат на телото природно да се бори против вирусите и бактериите.
Во статија во германскиот магазин Апотекен Умшау, пишува дека покачената телесна температура, треба да се спушта со лекови, кога ќе достигне над 38,5 Целзиусови степени.
„Кога е постудено луѓето полесно настинуваат, фаќаат инфекција или воспаление предизвикани од вируси и бактерии, а може да качат и температура. Тоа е една природна и здрава реакција на нашиот организам на воспаленија и инфекции. Тоа е нашата најсилна вродена заштита против бактериите и вирусите. Нивото на треска на телото не укажува на сериозност на ситуацијата. И најмала обична болест, може да ја покачи телесната температура, а понекогаш некоја тешка и сериозна болест да се одвива без покачување на температурата. Сама последица за благо покачување на телесната температура би била забрзувањето на метаболизмот, а тоа помага во борбата против воспаление и инфекции“, се наведува во статијата.
Кога е во прашање благо покачената температура, лекарите никогаш не препорачуваат да се спушта со лекови, бидејќи на тој начин болеста, која е и причинител на покачената телесна температура, може да продолжи. Кога телесната температура благо ќе се покачи, организмот сака да го уништи вирусот.
Кога има потреба покачената телесна температура, најчесто се намалува со лекови, како бруфен, парацетамол и други слични аналгетици и антипиретици.
Лекарска помош треба да се побара, кога телесната температура ќе се покачи над 39 степени и не се спушта со лекови по три дена, а е проследена со силна исцрпеност.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk