Кои се црните сообраќајни точки во Гостивар?

Низ улиците и патиштата во гостиварско речиси секојдневно се случуваат сообраќајни несреќи, дел со полесни последици, но и со сериозен исход. Анализите на полицијата покажуваат дека голем број од сообраќајките се случуваат токму во градот и на сообраќајниците кои се најфреквентни.

Како црни сообраќајни точки на Гостивар, може да се наведат улиците „Илинденска“ и „Беличица“ како и булеварот „Браќа Ѓиноски“. Од патиштата кои се надвор од градот како поризични се сметаат магистралата Гостивар-Кичево, автопатот Гостивар-Тетово и околните регионални патишта кои водат кон селата Градец и Чегране.

Раскрсницата кај гостиварско Здуње, за која порано занеше да се каже дека е „раскрсница убиец“, веќе не е на листата на црни сообраќајни точки. Со поставувањето на семафорите, на оваа локација значително е намален бројот на несреќи.

Податоците кои се однесуваат на причините за сообраќајките на поширокото гостиварско подрачје, не се променети долго време. Најчеста причина е пребрзото возење, по што следуваат непочитување првенство, возење под дејство на алкохол и други.