Гостивар
Кој е Игор Ангеловски – Мрме, тивкиот херој на наjубавата фудбалска репрезентативна приказна
Македонија одамна не памети ваков голем, важен и не само фудбалски успех, како можноста да се пласира на најголемиот настан во Европа, Европско првенство во фудбал.
Сениорската репрезентација на Македонија се наоѓа на еден натпревар од најголемиот успех во историјата на македонскиот фудбал. Сето она што ни од блиску не им успеа на: Слободан Сантрач, Сречко Катанец, Друловиќ, Бошко Ѓуровски, Мирсад Јонуз, Ѓоко Хаџиевски, Ѓоре Јовановски, Гоце Седлоски, Бобан Бабунски, па ни на Џон Тошак и Чеде Јаневски, ниту на легендарниот Андон Дончевски, во изминатите 30 години, му успеа на скромниот Игор Ангеловски – Мрме.
Селекторот Ангеловски ја доведе фудбалската репрезентација на Македонија на само еден натпревар од пласман на Европско првенство во фудбал, нешто што во минатото, беше незамисливо.
Но, кој е Игор Ангеловски – Мрме, херојот на целата оваа убава приказна?
На кормилото на сениорската фудбалска репрезентација е од 16 октомври 2015 година, од кога неговиот „шеф“ Љубинко Друловиќ чиј беше помошник, доби отказ после катастрофалните квалификации и кога сите кренаа раце од фудбалската репрезентација, „осакатената“ селекција ја презеде Игор Ангеловски.
И во каква-таква состојба, Мрме започна чесно да си ја заработува платата. На премиерата како селектор со Црна Гора запиша пораз од (4:1), во наредниот натпревар уште еден пораз (0:1), од Либан, тенкото искуство на најмладиот селектор на нашата репрезентација, лошиот ранкинг на листата на ФИФА, со сеуште свежиот дебакл во квалификациите, беше силен аларм сите „сили“ кои орбитираа околу нашиот национален тим срамежливо да се оттргнат од фудбалската репрезенатација, оставајќи му на Ангеловски простор да работи без никакви надворешни сугестии и влијанија, што селкторот „господски“ го искористи.
За наредниот циклус на квалификации за Светското првенство, Мрме веќе го имаше оформено костурот на оваа генерација, изврте огромен број на играчи во националниот дрес, шанса добија скоро сите македонски фудбалери кои покажаа малку талент, посебно играчите од домашното првенство. Природната и квалитетна селекција си го направи своето. Во тие квалификации со Шпанија, Италија, Израел и Албанија, Македонија немаше успех, заврши претпоследна на табелата, но на сите им стана јасно дека нашата селекција знае да игра фудбал.
Веќе во следниот циклус, прв од новоформираната Лигата на Нации, Македонија во групата Д заврши прва, со 5 победи од 6 натпревари, од каде се пласиравме во вчерашниот полуфинален бараж натпревар, преку кој не очекува историскиот во ноември против Грузија. За кој Игор Ангеловски вели:
„Се израдувавме на победата над Косово, нека се радува Македонија. Но мора да заборавиме на еуфоријата, работата се уште не е завршена, следува историскиот натпревар против Грузија на 12. ноември. Покажавме сплотеност и не се поделивме по ниту една основа, нашите репрезентативци се големи луѓе. Одиме чекор по чекор, време за еуфорија ќе има, но прво да оствариме резултати кои ги сакаме и да се пласираме на крајот на тоа Европско првенство“, рече Ангеловски по вчерашниот натпревар.
Игор Ангеловски е роден на 2. јуни 1976. година. Фудбалската кариерата ја започнува во Цементарница 55 од каде преминува во тимот каде најмногу беше запомнат како фудбалер Победа од Прилеп, од каде преминува во Публикум Цеље и ФК Срем од Војводина.
Кариерата како тренер ја започна во ФК Работнички. Дека Мрме „знае како“ говори и фактот дека токму тој беше тренер во легендарната сезона на ФК Работнички во Европа, кога романтичарите преку, Флора, Јелгава, Трабзонспор, стигнаа до четвртото квалификациско коло во кое немаа среќа и испаднаа од Рубин Казан. Во репрезентатвниот фудбал, влезе како помошник на Друловиќ во 2015 година, по што стана прв селектор.
Силно веруваме дека селекторот Ангеловски до крај ќе ја заврши започнатата мисија и ќе успее да не запише како учесници на Европско фудбалско првенство, па макар и во време на најголема корона криза, кога не можеме да се израдуваме како доликува.
Селекторе, капа доле!
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар