Занимливости
Кој ја измислил руската салата, омилен деликатес на празничната трпеза?
Празничната трпеза по некое непишано правило, едноставно не поминува без познатата руска салата. Основниот рецепт за овој деликатес го знае секој, но малку е познато од каде потекнува салатата што го освои светот.
Првата руска салата ја направил Лусиен Оливие во 1860-та година. Оливие бил руски готвач со француско потекло и работел како шеф на кујната во ресторанот “Ермитаж” во Москва. Додека на балканот салатата се нарекува „руска“, во Русија, Германија, Англија и други земји ја викаат „оливие“.
Вештиот шеф на кујната ја направил првата руска салата сосема случајно експериментирајќи со вкусови. Таа станала многу барана од гостите и набрзо се претворила во заштитен знак на ресторанот, како врвен специјалитет. Рецептот се чувал во строга тајност се до 1894 година, кога за прв пат бил објавен и тоа во кулинарското списание „Наша кујна“.
Но, првата верзија од оваа салата значително се разликува од денешната. Така се користело телешко месо, наместо салама, а содржела и зелена салата и по малку кавијар. Посебна состојка била неколку капки исклучително квалитетно маслиново масло.
Со тек на времето рецептот се менувал и се стигнало до денешната верзија.
Инаку, најголемото количество руска салата било направено во Русија во 2012 година и тоа 1.841 килограм. За подготовка биле искористени 220 килограми компир, 80 кг. моркови, 180 кг.кисели краставички, 500 кг.салама, 5.040 јајца, 136 кг. грашок и 260 кг. мајонез.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар