Кој може да остане рамнодушен на шолја салеп?

Салепот е идеален топол зимски напиток, кој е најдобар пријател на воспаленото грло. Исто така, помага при кашлица и проблеми со сува кашлица.

Овој здрав пијалок се прави од коренот на планински орхидеи. Овој дел на растението се суши, па се меле за да се добие прав.

Инаку потекнува од Турција и е традиционален пијалок. Кај нас може да се најде по кафулињата и во добро снабдените маркети.

Најчесто се служи топол, во филџан за кафе и со цимет по вкус. Има мирис на ориз. Поради неговата убава миризба и пријатен вкус може да се пие со и без шеќер.

Начин на подготовка:

1 лажичка салеп се става во 150 мл вода или млеко. Се мешаат се додека не почне да врие на тивок оган. Се додава шеќер, а откако ќе се стави во филџан се додава цимет.

Еден до два филџани неделно ќе ја подобрат вашата концентрација и енергија. За настинката е совршена замена за оние кои не се љубители на чај.