Која е совршената температура на водата за миење на лицето?

Миењето на лицето е секојдневна рутина која сите ја практикуваме, а водата има значајна улога во тоа. Нејзината температура е важна, бидејќи сите екстреми негативно ќе се одразат на лицето. На пример топлата вода може да ги направи порите почисти, но всушност не ја менува нивната големина. Од друга страна, ладната вода може привремено да ги намали крвните садови, давајќи и на кожата затегнат изглед, но ни ладната вода не ги намалува порите.

Додека големината на порите во голема мера е одредена од генетиката, постојат неколку други фактори кои ги прават да изгледаат позабележителни. Лојните жлезди можат да играат значајна улога, но треба да се запомни дека возраста и оштетувањето на кожата од сонцето доведуваат до губење на еластичноста на кожата, што влијае на нејзината структура. Во сите овие случаи, порите може да изгледаат поизразени.

Која е совршената температура за миење на лицето?

Чистењето на кожата со топла вода е смирувачко, но може да ги отстрани природните масла. Бидејќи овие масла помагаат да се задржи влагата и да ја одржуваат кожата хидрирана, изложувањето на кожата на топла вода може да ја намали нејзината способност да ја задржува влагата, правејќи ја почувствителна и склона кон сувост, црвенило и иритација. Со текот на времето, може да ги влоши состојбите како егзема и да придонесе за предвремено стареење со оштетување на колагенот и еластинот. Но, тоа не значи дека ладната вода е решението за миење на лицето, бидејќи секое изложување на кожата на високи или ниски температури предизвикува непотребен стрес.

Млаката вода е идеална за чистење бидејќи ефикасно ја отстранува нечистотијата, маснотијата и шминката додека ги зачувува природните масла на кожата, овозможувајќи им на производите за нега на кожата подобро да се апсорбираат.

Кога е во ред да го измиете лицето со ладна вода?

Миењето на лицето со ладна вода има некои придобивки. Студената вода може да помогне да се смири воспалената или иритираната кожа, што ја прави добра опција за состојби како розацеа или егзема како и одредени дерматолошки процедури. Исто така, може да го намали утринското отекување со стегање на крвните садови, давајќи и на кожата освежен изглед.

Навики кои помагаат да се одржи оптимално здравје на порите

Иако зголемените пори се честа појава, не постои начин вистински да се промени нивната големина бидејќи тие се генетски детерминирани. Но, со комбинација на добри навики за нега на кожата, можеме да влијаеме на здравјето и изгледот на нашата кожа.

Покрај редовното чистење на лицето два пати на ден со производи кои ја отстрануваат нечистотијата, маснотиите и шминката, заштитата на вашата кожа од сонцето со користење на крема за сончање со широк спектар може да го намали оштетувањето од ултравиолетовото зрачење.

Исто така благиот хемиски пилинг како салицилна киселина помага да се отпушат порите и да се чистат со разградување на себум и мртвите клетки на кожата. Дополнително, хидратацијата е клучна. Користењето на вистинскиот навлажнувач ја одржува бариерата на кожата недопрена и го спречува прекумерното производство на маснотии.