„Кокошка“ со награда за најдобра претстава на фестивалот „Отело“ во Гостивар

Со доделување на фестивалските награди, вчеравечер во Гостивар беше заокружено четвртото издание на Меѓународниот театарски фестивал „Отело“.

Наградата за најдобра претстава ја доби Сфумато театар од Софија, Бугарија за „Кокошка“. За најдобра актерка беше прогласена Василена Винченцо, за улогата во претставата „Кокошка“, за најдобар актер Вин Бејлери во „Не слушам, не гледам, не зборувам“ (Тирана, Албанија), додека наградата за најдобар режисер се најде во рацете на Гент Чајани за претставата „Зоолошка приказна“ (Тетовски театар и Универзитет Тетово).

Поради пандемијата, претставите годинава се играа на отворена сцена, под мерки за заштита од коронавирус.

фото: Студио Акон