Колку долго може да се чуваат свежите јајца во фрижидер, а колку варените?

Јајцата се составен дел од многу оброци, па залихите често и брзо знаат да се потрошат. Сепак, важно е да се внимава на нивниот квалитет и рок на траење бидејќи труењето со јајца не е невообичаено.

Свежите јајца може да се чуваат во фрижидер и до еден месец, а со соодветно складирање овој период може да биде и подолг. Сепак, не заборавајте дека во тој период е вклучено и времето поминато во маркет.

Затоа е важно секогаш да го проверувате датумот на пакување.

Варените јајца имаат пократок рок на траење – може да се чуваат во фрижидер до една недела, додека надвор од фрижидер треба да се искористат најмногу во рок од 12 часа.

Доколку се сомневате во квалитетот на јајцата, пред да ги користите, скршете ги во посебен сад. Ако изгледаат или мирисаат сомнително, подобро е да ги фрлите.

Едноставен трик за да ја проверите свежината на јајцата е да ги натопите во вода. Најсвежите јајца ќе потонат на дното на цадот, додека оние помалку свежите ќе лебдат или ќе стојат исправено во водата.