Колку е важен витаминот К за нашето тело?

Повеќето луѓе знаат за улогата на витамините како А, Б, Е, Д, но многумина се помалку свесни за важноста на витаминот К за нашето тело. Сепак, тој е најголемиот природен коагулант, односно игра голема улога во згрутчувањето на крвта.

Овој витамин заедно со витамините А, Д и Е се вари само во жолчката, бидејќи спаѓа во таканаречените витамини кои се раствораат само во масти.

Истражувањата имаат покажано дека витаминот К е важен за одржување на соодветно ниво на витамин Д. Доколку немате доволно од овие два витамини во вашето тело, ниту еден од нив нема да има целосна функција.

Постојат неколку форми на овој витамин, а тие зависат од изворите на храна во кои се наоѓаат. На пример, витаминот К1 го има во растителната храна, особено зелениот лиснат зеленчук (брокула) додека К2 го има во храната од животинско потекло.

Помалку количества на витамин К2 произведува нашето тело од бактериите во цревата. За разлика од овие два вида, кои се наоѓаат во храната што ја јадеме, витамините К3, К4 и К5 се добиваат синтетички.

Недостатокот на витамин К сигнализира крварење од носот, долго крварење од повреди и рани кои полека зараснуваат, како и обилно крварење за време на менструалниот циклус кај жените.

Дневните потреби на нашето тело за овој витамин се 90 микрограми за жени и 120 микрограми за мажи.

Зеленчук кој содржи витамин К

Најмногу витамин К има зелката. А една шолја сварен кељ содржи дури 531 микрограми од овој витамин. Го има и во спанаќот, но и во други зелени зеленчуци, како блитвата, пиперките, зелката, но и брокулата.

Овошје кое содржи најмногу витамин К

Овој витамин го има и во овошјето. Најмногу го има во јаболката, боровинките, кивите, авокадото, бананите и грозјето.