Колку вреди најголемиот спортски трофеј „Златната божица“ ?!

Пехарот официјално наречен „Трофеј на Светското првенство во фудбал“, а го носи и називот „Златната божица“, беше воведен пред Светското првенство во 1974 година.

Претходно првиот трофеј, првично наречен Победа, подоцна преименуван во чест на поранешниот претседател на ФИФА Жил Риме, беше направен од позлатено сребро и скапоцен камен од лапис лазули и ја прикажуваше фигурата на Најк, божицата на победата од грчката митологија. По третата титула, трофејот отиде во трајна сопственост на Бразил во 1970 година, по што беше направена замена. Оригиналниот трофеј на Жил Риме беше украден во 1983 година и сеуште не е пронајден.

Првиот трофеј за освојување на Светскиот куп на ФИФА „Победа“ или „Жил Риме“ беше украден во 1966 година во Англија, а се пронајде неколку месеци пред почетокот на Светското првенство истата година. Во 1983 година, трофејот Жил Риме повторно беше украден во Бразил и никогаш не е пронајден.

Пехарот „Трофеј на Светското првенство во фудбал“ е изработен е од 18-каратно злато со малахит во основата, висина 36,8 cm и тежина 6,1 kg. Трофејот е шуплив внатре, бидејќи доколку целосно би бил полн, направен од злато, би тежел меѓу 70 и 80 килограми и би било многу тешко да се подигне.

Откако на трофејот ќе биде врежано името на светскиот шампион, тој ќе се врати во Бертони на редовна реставрација, а потоа се враќа во седиштето на ФИФА во Цирих, каде ќе го чека следното Светско првенство. Победничкиот тим ќе поседува позлатена реплика која внатре е бронзена.