Комбе паднало во провалија близу Стража

Регистрирана сообраќајна несреќа денес околу 13 часот и 30 минути, близу планинскиот превој Стража. Според првичните информации од Министерството за внатрешни работи, возило волсваген игуан со белоруска регистрација, од засега непознати причини излетало од патот и паднало во провалија. Со возилото се превезувале пет лица, странски државјани. Една жена и две деца биле пренесени во гостиварската болница каде им се пружа лекарска помош. Најверојатно се работи за полесни повреди, но повеќе информации за нивната здравствена состојба ќе се знаат подоцна.

Во тек е увид на местото на несреќата, а на патниот правец нема застој и сообраќајот се одвива нормално. Се преземаат и мерки за извлекување на возилото од бездната.

Пред три дена во близина на превојот Стража беа регистрирани две сообраќајки.