fbpx
Поврзи се со нас

Гостивар

Комеморација во медицинско во Гостивар за загинатиот ученик: „Ахмет Хакан Шанверди вечно ќе останеш во нашите срца“

Објавено

на

Средношколците и просветниот кадар во медицинското училиште во Гостивар денес му одадоа почит на прерано починатиот другар и соученик, Ахмет Хакан Шанверди од Турција. Ахмет Хакан, кој годинава требаше да биде матурант, го загуби животот неодамна во сообраќајна несреќа во родната земја.

На комеморативниот собир, кој започна со едноминутно молчење се обрати заменик директорот на училиштето, Даут Бајрами.

„Нашиот ученик од овој свет замина многу млад. Оваа трагична вест многу не‘ погоди сите нас. Тој вечно ќе остане да живее во нашите срца и молитви. До семејството упатуваме длабоко сочувство“, рече Бајрами.

Професорката Себил Ханџи, која му била класен раководител истакна дека изгубиле ученик со добро срце и однесување за пример. „Некогаш зборовите не се доволни да се искаже се‘. Го испративме предвреме нашиот ученик, кој имаше добро срце и душа и однесување за пример. Никогаш нема да го заборавиме“, рече професорката.

На комеморацијата присуствуваше и делегација од Општина Гостивар. Во спомен на загинетиот ученик, градоначалникот Арбен Таравари во дворот на училиштето засади дрвце, а беше положен и буќет цвеќе.

Ахмет Хакан Шанверди во Гостивар дошол за да се образува во средното медицинско училиште.

Остави коментар

Напишете коментар

Advertisement
Advertisement
Advertisement

ОГЛАСИ ЗА РАБОТА:

Advertisement

Популарно изминативе 100 дена

error: Содржината е сопственост на Gostivarpess.mk!