Гостивар
Комеморативна седница во Гостивар за загинатите – Се обратија Таравари, Заев и Иванов
Во Гостивар е прогласена тридневна жалост поради вчерашната тешка сообраќајна несреќа. Во спомен на загинатите во општинската сала се одржа Комеморативна седница на која присуствуваа премиерот Зоран Заев, претседателот Ѓорѓе Иванов, министри во Владата, пратеници, градоначалници од околните општини.
Во емотивно обраќање градоначалникот Арбен Таравари рече дека го држи најтешкиот говор во животот. „Болката на 14-те семејства кои ги загубија своите блиски е едно од најстрашните искушенија за нашиот град. Ништо не може да се спореди со оваа трагедија. Катастрофите ги зближуваат луѓето и од овој немил настан треба да сфатиме колку е важно да се почитуваме и сакаме. Животот е краток за да ги одложуваме плановите за човечност, почит и посветеност“, рече Таравари.
Премиерот Заев нагласи дека Владата ќе се заложи за помош на семејствата и за разјаснување на причините кои доведоа до трагедијата. „Душата не боли за секој згаснат живот. Тешко се наоѓаат зборови на утеха. Загубата е ненадоместлива, но сакам да ви кажам не сте сами, духовно сме со вас, а ќе бидеме со вас и во иднина. Преземаме обврска да им помогнеме на семејствата, а сите институции ќе сторат се` за да се расветлат причините за несреќата“, рече Заев.
Претседателот Ѓорѓе Иванов изрази длабоко жалење за големата трагедија што го погоди Гостивар и целата земја. „Тешки се деновите кога искажуваме сочувство за загуба на најблиските. Несреќите се настани во кои чувствуваме како некој да ни ги краде најмилите. Во вакви тешки денови треба да ја споделуваме тагата, да им помогнеме на семејствата да ги пребродат“, рече Иванов.
Знамињата пред општинската зграда се спуштени на половина копје.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
1 Коментар