Стивнаа гужвите за вакцинација против грип во Гостивар

Стивнаа гужвите во Епидемиолошкото одделение во Гостивар, за разлика од минатата недела кога имаше навалица за вакцинација против грип. Од таму информираат дека комерцијалните вакцини, чија цена е 650 денари привршуваат, додека од бесплатните, наменети за пензионери со ниски пензии и без пензија, се уште има. Тие побавно се трошат, поради процедурите кои се неопходни да лицето да добие право на бесплатно вакцинирање.

Оваа сезона за Гостивар набавени се вкупно 2.200 дози, од кои 1.200 се за пензионери кои ги исполнуваат условите за бесплатно вакцинирање. За бесплатна вакцина овие лица треба да се обратат кај матичниот лекар со чек од својата пензија, кој преку „Мој термин“ ќе им закаже термин за вакцинација. Пензионерите над 65 години кои не земаат пензија, ќе можат да се вакцинираат бесплатно со потврда од ПИОМ.

Сезонава на подрачјето на Гостивар, се` уште не е регистриран ниту еден случај на заболен од грип.