Компјутерските програмери со просечна плата од 1.000 евра

Просечната месечна исплатена нето-плата по вработен во Македонија, во април 2018, изнесува 23 942 денари. Државниот завод за статистика објави дека во однос на истиот месец лани се бележи зголемување, кое се должи на покачување на платите во областите: Рударство и вадење на камен (32.2 %), Преработувачка индустрија (13.0 %) и Објекти за сместување и сервисни дејности со храна (11.4 %).

Листата на најдобро платени професии останува слична како и претходно. Највисоки плати земаат компјутерските програмери и тоа во просек, 60.656 денари. Одлично се платени и вработените во воздухопловен транспорт – 52.058 денари, телекомуникации- над 42.000, фармација – 43.000, финансиски дејности – над 41.000 денари месечно.

Најниски плати пак имаат работниците во угостителството кои подготвуваат или служат храна, во продавниците, работници ангажирани за производство на мебел и на облека, кожари.