Кон зелена иднина преку младинска иновација – „Хакатон на зелени решенија” во Тетово

Денеска започнува дводневниот младински хакатон на тема „Зелени решенија“ што се одржува во просториите на Технолошкиот парк на Универзитетот на Југоисточна Европа (УЈИЕ).

Целта на овој настан е да ги обедини младите од целата земја, давајќи им можност да ги истражат потенцијалите за зелени иновации и претприемништво, како и да се вмрежат, да разменуваат идеи и заеднички да дојдат до решенија за социо-еколошки прашања. Дополнително, учесниците ќе можат да го подобрат своето разбирање на темата и да ги зајакнат своите пичинг и претприемачки вештини преку различни работилници и предавања од еминентни имиња од секторот.

Хакатонот е организиран од Технолошкиот парк на УЈИЕ и Либералниот алтернативен институт (ЛАИ) со поддршка на Германското друштво за меѓународна соработка (ГИЗ) преку мрежата за зелен развој СЕНЕКА ГРИН, а под покровителство на Германската соработка, и со поддршка од активноста на УСАИД Младите активно создаваат можности, имплементиран од проектот Подобрување на економиите за посилни заедници (IESC), и менторска поддршка од страна на проектот ЕУ за економски раст, ко-финансиран од ЕУ, спроведуван од ГИЗ.

Највисоко рангираните зелени идеи ќе добијат можност да се натпреваруваат за една од следниве награди:

• Првопласираниот тим ќе добие награда од 30.000 МКД.
• Највисоко рангираните 3 тима ќе учествуваат на следното инвестициско рандеву за зелени решенија со потенцијални финансиери во земјата и регионот организирано од страна на ГИЗ
• Највисоко рангираните тимови ќе добијат можност да учествуваат на специјализирана обука за 1] Одржливо корпоративно работење и 2] Изработка на бизнис план организирана во соработка со ПроКредит Банка.
• Највисоко рангираните тимови ќе можат да учествуваат на мастер клас – 1] Од идеа до стартап и 2] Работилница за скрининг на идеи со основачот на Networker, Сања Митровска.
• Највисоко рангираните тимови ќе добијат покана за учество на повикот на 700 Accelerator и ќе добијат шанса да се квалификуваат за инвестиција до 40.000 евра.
• Средношколците кои ќе учествуваат на Хакатонот на зелени решенија ќе бидат поканети да учествуваат на специјализирана едукативна работилница за зелен бизнис модел организирана од НВО Либерален Алтернативен Институт (ЛАИ).

Заедно сопартнери во националните влади ширум светот и партнерите за соработка од светот на бизнисот, истражувањето и граѓанското општество, Германското друштво за меѓународна соработка (ГИЗ) работи на обезбедување ефективни решенија за да им понуди на луѓето подобри перспективи и одржливо подобрување на нивните животни услови.