Конечно сончеви денови по подолг период врнежи

Времето денеска (понеделник) ќе биде претежно сончево и значително потопло со мала локална облачност и со слаб до умерен ветер од северен правец, поизразен долж Повардарието. Температурата во гостиварскиот регион ќе биде во интервал од 12 до 26 степени Целзиусови.

Стабилно и значително потопло ќе биде и утре (вторник) со максимална дневна температура од 28 степени. Според прогнозите од среда попладне ќе имаме повторно дестабилизација во западните делови. Во четврток ќе владее сончево и топло време со мала до умерена локална облачност, а во попладневните часови ќе има услови за појава на краткотраен дожд. Во петок ќе има услови за пороен дожд проследен со грмежи и засилен ветер. Температурата ќе се задржи висока.