Конкурс за литературни и ликовни творби по повод 8-ми декември

Младинска Артистичка Корелација, во соработка со Центарот за култура „АСНОМ“ – Гостивар, по повод празникот 8 Декември – Св. Климент Охридски, распишува конкурс на тема – „Зошто ја љубам Македонија?”

Темата треба да обработува содржини од општествениот и социјален живот, преку истакнување на патриотизмот и родољубивоста.

Право на учество имаат сите гостиварци – љубители на убавиот пишан збор (поети и прозисти) и автори на ликовни творби од 14 до 18 годишна возраст. Творците конкурираат со по една досега необјавена творба.

Пристигнатите творби ќе ги оценува стручна комисија, а резултатите ќе бидат соопштени на 8-ми Декември, на третиот настан што МАК тимот ќе го организира, насловен како “Македонска вечер”. На авторите на најдобритe творби и на учесниците ќе им бидат доделени благодарници и награди.

Вашите литературни творби треба да бидат доставени преку фејсбук страницата на Младинска Артистичка Корелација или пак на е-маил адреса: [email protected]
во Word-документ, Times New Roman, фонт 12 и кирилично писмо, со назнака “Ја сакам Македонија” и име и презиме на учесникот, најдоцна до 3-ти Декември 2016 год.

Ликовните творби треба да се приложат на 3 Декември 2016 год. во Центарот за култура „АСНОМ“ (мала сала) од 11:00 до 14:00 часот.