Контрола на автобуси и комбиња во Гостивар и Тетово, откриени 8 неисправни

Вчера (20 февруари) од 8 до 12 часот полициски службеници на СВР Тетово спровеле акциска контрола на возила кои вршат јавен превоз на патници, претежно автобуси и комбиња. Во контролата биле откриени и санкционирани вкупно 8 технички неисправни возила (ТЕ-3 и ГВ-5). Пет од возилата имале неисправни сопирачки (ТЕ-3 и ГВ-2), две биле со неизвршен технички преглед (ГВ) и 1 (ГВ) со неисправни други уреди. Технички неисправните возила веднаш се исклучени од сообраќај и на возачите изготвени им се законски предвидените поднесоци. При контролата, исто така, биле санкционирани и 9 други видови прекршоци (ТЕ-5 и ГВ-4).

Секторот за внатрешни работи Тетово со апел до учесниците во јавниот превоз навреме да ја проверуваат техничката исправност на нивните возила кои секојдневно ги користат и да не ја доведуваат во ризик безбедноста на патниците и на другите учесници во сообраќајот. Се апелира, исто така, да не возат пребрзо и да ја прилагодат брзината според условите на патот.