Контрола на јавните превозници во Полог, откриени 24 технички неисправни возила

Полицијата продолжува со акциски контроли врз јавните превозници на гостиварското и на тетовското подрачје. Вчера во периодот од од 10 до 16 часот спровеле акциска контрола за техничка исправност на возилата кои вршат јавен превоз на патници, претежно комбиња и автобуси.

При контролата откриени се и законски санкционирани се 24 технички неисправни возила (ТЕ-7 и ГВ-17), најмногу со неисправни сопирачки 11 (ТЕ-7 и ГВ-4). Покрај ова, 5 возила (ГВ) имале истечена регистрација, исто толку биле со неизвршен технички преглед и други недостатоци. Седумнаесет од технички неисправните возила (ТЕ-7 и ГВ-10) веднаш се исклучени од сообраќај, а на сите  прекршители им биле изготвени соодветни поднесоци и ќе се соочат со парични глоби, кои за овој вид прекршок се движат од 45 до 400 евра во денарска противвредност.

Во вчерашната контрола откриени се и 4 други видови прекршоци.