Контрола на товарни возила, казни за неисправност и претовар

Секторот за внатрешни работи Тетово соопшти дека во рамките на континуираните активности за поголем ред и безбедност на патиштата во поширокиот Полошки регион вчера (7 февруари) од 8 до 12 часот, спроведена е засилена акциска контрола на товарни возила, претежно камиони, комбиња и „пикап возила“. При контролата, биле откриени и санкционирани вкупно 6 технички неисправни возила (ТЕ-5 и ГВ-1), од кои 5 (ТЕ) имале неисправни сопирачки, а 1 (ГВ) неисправни други системи и опрема. Сите неисправни возила веднаш се исклучени од сообраќај и на возачите им се изготвени соодветни поднесоци во кои за ваков прекршок е предвидена парична глоба од 400 евра во денарска противвредност.
Покрај ова, кај 5 возила (ТЕ-2 и ГВ-3) бил констатиран претовар, како и 3 (ГВ) други видови недостатоци. Санкционирани, исто така, биле и двајца возачи(ТЕ) поради користење на неатестирани фолии и зборување на мобилен телефон, а поради непрописно, односно погрешно паркирање биле подигнати 7 возила (ТЕ).
Секторот за внатрешни работи Тетово со апел до возачите да не тргнуваат на пат со технички непрегледани и неисправни возила, зашто ја доведуваат во прашање сопствената и безбедноста на другите учесници во сообраќајот. Се апелира, исто така, да внимаваат на претовар на патници и на тоа какви фолии и каде ги поставуваат.