Контрола во Гостивар: Казнети возачи кои возеле пребрзо и под дејство на алкохол

Во текот на вчерашниот ден (28 јули) полицијата спровела контролни активности на гостиварското и на тетовското подрачје, со акцент на управување на возила под дејство на алкохол и брзина на движење.

При контролата, вкупно биле откриени 11 возачи во алкохолизирана состојба, и тоа девет во Тетово и двајца во Гостивар. Тие веднаш биле исклучени од сообраќај и се соочуваат со законски предвидените казни. Според Законот за безбедност на сообраќајот на патиштата, управување моторно возило под дејство на алкохол се санкционира со парична казна до 375 евра, односно 60 негативни бода и забрана за управување возило од 12 месеци.

Во контролата за брзина со која се движат возилата во и надвор од населено место, биле откриени вкупно 35 прекршоци и тоа 24 во Тетово и 11 во Гостивар. И овие прекршоци заокружени се со соодветни поднесоци.