Контрола во Гостивар: Летале казни за неносење маски во автобуси и такси возила

Вчера (5 јули) од 12 до 15 часот на поширокото гостиварско подрачје спроведена е акциска контрола во рамките на активностите за спречување на ширењето на „ковид-19“, односно дали и колку се почитува законската обврска за задолжително носење на заштитни маски во возилата од јавниот превоз, автобуси и такси комбиња.

„При контролата откриени и законски сакнционирани биле 30 лица кои не носеле заштитни маски или друга заштита на лицето. На сите им се изготвени соодветни поднесоци по член 66-б од Законот за заштита на населението од заразни болести и тие ќе се соочат со парична глоба од 20 евра во денарска противвредност. Ваквите контроли ќе продолжат и во наредниот период и ќе се преземаат законски предвидените мерки.“, извести СВР.