Контрола-Во какви автобуси и таксиња се возат патниците во Гостивар и Тетово

Полициски службеници на СВР Тетово вчера (12 декември) од 9 до 14 часот спроведоа акциска контрола на возила кои вршат јавен превоз на патници (автобуси, такси комбиња и други возила). Како што соопштија од полицијата при контролата откриени и законски санкционирани се вкупно 7 технички неисправни возила, од кои 5 во Тетово имале технички неисправни сопирачки, а 2 во Гостивар неиспрани уреди и неизвршен технички преглед. Технички неисправните веднаш се исклучени од сообраќај, а на сите им се изготвени соодветни поднесоци.

Покрај ова, санкционирани се и 14 други видови сообраќајни прекршоци.

Вчера, исто така, во Тетово биле санкционирани  и со „пајак-возилата“ биле подигнати вкупно 27 непрописно паркирани возила, најмногу во централното градско подрачје, 3 лица кои ги управувале возилата без положен возачки испит и 2 возачи почетници кои не се придржувале на предвидените ограничувања за оваа категорија учесници во сообраќајот.