Контрола за непрописно престигнување, во Гостивар 36 казнети

Полициски службеници на СВР Тетово вчера (25 септември) од 14 до 19 часот на поширокото полошко подрачје спроведоа засилена контрола за непрописно престигнување, во која вкупно биле откриени и соодветно санкционирани 46 прекршоци, од кои 10 во Тетово и 36 во Гостивар.

На возачите-прекршители изготвени им се законски предвидените поднесоци и ќе се соочат со адекватни парични глоби кои, зависно од прекршокот, се движат од 45 до 250 евра во денарска противвредност.

Секторот за внатрешни работи Тетово уште еднаш апелира до возачите да не престигнуваат на забранети места и особено не на „полна линија“ и да ја доведуваат во ризик сопствената и безбедноста на другите учесници во сообраќајот. „Ова, пред се во вечерните, раноутринските часови и во денови со намалена видливост. Зашто, значителен број од сообраќајните несреќи на отворен пат и годинава се случувале поради неприлагодена брзина или непрописно престигнување.“, наведуваат од полицијата.