Контрола за престигнување во Гостивар, казни за 20-тина возачи

Вчера (23 ноември) од 9 до 14 часот, на поширокото гостиварско подрачје спроведена е локална контрола за престигнување, во која вкупно бил откриен и санкциониран 21 прекршок. Најголемиот број од прекршоците (19) се однесувале на престигнување на забранети места.

„На сите прекршители изготвени им се поднесоци и ќе се соочат со законски предвидените парични глоби, а некои и со заштитна мерка-времено одземање на возачките дозволи од три месеци до една година, зависно од видот на направениот прекршок.“, соопшти СВР.

Вчера во Тетово, пак, покрај другите, биле санкционирани 6 лица кои ги управувале возилата без положен вопзачки испит и исто толку кои непрописно ги паркирале нивните возила, најчесто во таканаречени „двојни редови“, на тротоари, во зона на крстосници или на обележани пешачки премини.