Контроли Гостивар: Секој четврти возач фатен во прекршок

Управување возила без дозвола, истечена регистрација, возачи-почетници кои не се придржувале на законските прописи, се едни од најчестите прекршоци кои ги регистрира сообраќајната полиција на гостиварското подрачје. Истото се потврдува и со последната акциска контрола, спроведена изминатиот викенд (16 и 17 февруари).

Според податоците од СВР Тетово, биле опфатени вкупно 47 возачи во гостиварско, а полицијата констатирала 12 прекршоци. Еден возач бил фатен зад волан под дејство на алкохол и веднаш бил исклучен од сообраќај. Освен тоа времено му е одземена возачката дозвола и се соочува со парична казна од 250 до 400 евра.

Останатите прекршоци биле токму оние кои се најчести во Гостивар, возење без дозвола и нерегистрирани возила.

Контрола била спроведена и во Тетово, каде биле опфатени 73 возачи, а констатирани 19 прекршоци. Дури 11 возачи биле под дејство на алкохол.