Контроли на АХВ во игротеки, 13 затворени, за 32 парични казни

Агенцијата за храна и ветеринарство (АХВ) информираше дека на почетокот на овој месец спроведе вонредни контроли во игротеките во земјава. Со контролите опфатени биле 92 игротеки при што било утврдено дека 16 од нив, не се регистрирани во АХВ како оператори со храна. Кај 8 инспекциските служби утврдиле дека не ги задоволуваат хигиенските барања, односно дека немаат имплементирано процедури на добра хигиенска пракса.

„Кај 16 игротеки утврдено дека вработените немаат спроведено здравствени прегледи, а утврдени се и отстапувања во поглед на безбедноста на храната, при што се запленети и нештетно уништени 11,5 килограми млечни производи.“, соопшти АХВ.

За утврдените недоследности издадени се 19 решенија и наредени мерки за нивно отстранување, времено се затворени 13 игротеки, а на 32 изречени им се парични казни.