Контроли на јавен превоз и товарни возила во Гостивар и Тетово

Вчера (27 октомври) од 11 до 15 часот спроведена е и акциска контрола на возила кои вршат јавен превоз на патници, при што во Гостивар биле откриени 2 прекршоци. Едно возило било со неисправни светлосни уреди, а на едно му недостигала потребната опрема. На двајцата возачи изготвени им се поднесоци согласно Законот за за безбедност на сообраќајот на патиштата. Покрај ова, во Тетово санкционирани се и 4 возачи кои ги управувале возилата без потребните документи, а што претставува кривично дело казниво по член 284-а од Кривичниот законик, како и 5 други видови сообраќајни прекршоци (ТЕ-2 и ГВ-3).

Исто така вчера од 7 до 12 часот, полициски службеници на СВР Тетово спровеле акциска контрола на товарни возила, во која во Тетово биле откриени и санкционирани 4 возила со неисправни сопирачки, 2 со неисправни уреди, 1 со претовар и 3 со други технички недостатоци. Шест од санкционираните возила веднаш биле исклучени од сообраќај, а соодветни поднесоци им биле изготвени и на уште 7 возачи во Гостивар за различни сообраќајни прекршоци.