Контроли на моторциклистите, само две казни во Гостивар

Вчера (24 јуни) во периодот од 20 до 24 часот на гостиварското и тетовското подрачје  била спроведена акциска контрола на моторциклисти, во која биле откриени 21 прекршок. Од нив 19 во Тетово и 2 во Гостивар. Како што информира СВР, најголемиот број се однесувале на управување без возачка дозвола и неносење на заштитна кацига.

Исто така вчера, но во периодот од 7 до 12 часот, спроведена е акциска контрола за брзина, во која вкупно биле откриени и санкционирани 24 прекршоци (Тетово-14 и Гостивар-10). Пет од возачите ја пречекориле максимално дозволената брзина надвор од населено место за повеќе од 70 километри на час од дозволеното. Во населено место санкционирани биле 9 пречекорувања на брзината, најмногу за 30 до 50 километри на час. Санкционирани, исто така, биле и други видови прекршоци.