Контроли на полиција и инспекции во угостителски објекти во Гостивар и Тетово

СВР Тетово информира дека вчера (1.04.2025) во временскиот период од 09.00 до 21.00 часот, на подрачје на СВР Тетово и ОВР Гостивар, била спроведена оперативна акција, со цел организирано, синхронизирано и координирано преземање на мерки и активности насочени кон сузбивање на недозволени криминални дејствија кои се вршат во угостителски објекти  на подрачје на Тетово и Гостивар.

При тоа во содејство со претставници од Државен пазарен инспекторат на Тетово, инспектори при Управа за финансиска полиција Скопје и инспектори од Дирекцијата за заштита и спасување биле извршени контроли во 6 угостителски објекти (ТЕ-2 и ГВ-4).

„Била извршена контрола, надзор и увид во потребната документација во однос на нивни надлежности и делокруг на работење како угостителски објекти кај кои биле констатирани недостатоци и за истите ќе бидат преземени соодветни мерки од страна на ДПИ, УФП и ДСЗ.“, стои во соопштението.