Контроли на полицијата во Гостивар и Тетово – казни за неисправни сопирачки, возење без дозвола…

Денеска (13 октомври) од 8 до 14 часот, на подрачјето на СВР Тетово спроведена е акциска контрола за техничката исправност на возилата, управување без возачки дозволи и за погрешно паркирани возила. На гостиварските простори, санкционирани биле 6 возила (1 со неисправни сопирачки, 1 со други недостатоци и 4 со истечена сообраќајна дозвола), 3 возачи (2 без валидна дозвола и 1 со важечка забрана за управување), додека 2 возила поради погрешно паркирање биле подигнати од гостиварската „пајак-служба“. При контролата, исто така, откриени се и 2 други видови сообраќајни прекршоци, кои биле заокружени со законски предвидените мерки.

На тетовските простори откриени и санкционирани се 7 технички неисправни возила, од кои 5 со неисправни сопирачки, 1 со измината сообраќајна дозвола и 1 со други недостатоци. Сите се исклучени од сообраќај и изготвени им се соодветни поднесоци. Покрај ова, санкционирани се и 5 возачи без возачки дозволи и 1 возач-почетник кој не се придржувал на законските ограничувања за оваа категорија учесници во сообраќајот, а адекватно санкционирани биле и 13 непрописно, односно погрешно паркирани возила, како и 6 други видови прекршоци.