Контроли во Гостивар: Над третина од возачите возеле неисправни автомобили

Во текот на вчерашниот ден (7 август) од 9 до 14 часот, на гостиварското и тетовското подрачје била спроведена акциска контрола, со која вкупно било опфатено 131 моторно возило (Тетово-89 и Гостивар-42).

Како што информира СВР, при контролата откриени биле 27 технички неисправни возила, од кои 14 во тетовско и 13 во гостиварско. Најголемиот број од нив имале неисправни сопирачки и други системи и опрема.

Во акциската контрола, исто така, биле откриени и единаесет возила со истечена сообраќајна дозвола (Тетово -8 и Гостивар-3) и други прекршоци, како и седум возачи (Тетото-5 и Гостивар-3) кои ги управувале возилата без положен возачки испит.

Утврдените прекршоци заокружени се со соодветни прекршочни и мандатни платни налози и со барања за поведување на прекршочна постапка, известува полицијата.