Користете тегавец за кашлица, убоди од инсекти, проблеми со желудникот

Tегавецот (боквица) важи за едно од најлековитите ливадски растенија. Најчесто се користи листот од растението, кој се бере во период на цутење на билката. Листот од тегавецот е богат со танини, пектини, витамин Ц, лимонска киселина, фитонциди. Во вид на чај или сируп е многу ефикасен за спречување на кашлица и подобрување на искашлувањето секрет. Има својство да ја обложи слузницата на грлото и дишните патишта создавајќи заштитен слој, со што делува антивоспалително и антимикробно.

Може да се користи и при инфекции на мочните патишта, го намалува зачестеното мокрење и поволно делува врз тегобите во органите за варење, при пролив, грчеви или чирот на дванаестопалечното црево и желудникот.

Тегавецот е прва помош при гребнатини, убоди од инсекти или потекување на кожата.  Земете ливче тегавец, малку протријте помеѓу прстите да се раздвижат соковите, ставете на болно место и добивте моментални мелем. Сокот од листот на тегавецот успешно ги отстранува акните и митесерите.

Интересно е што сокот од тегавец не се расипува и може да стои долго време без додавање на конзерванси.