Кошаркарките ги добија противниците во квалификациите за ЕП 2021

Македонските кошаркарска репрезентација ги доби противниците за завршните квалификации за ЕП 2021.

Ждрепката не беше најповолна за нашите кошаркари. Селекциите на Италија, Естонија и на Русија се на патот на нашите сениори кон пласман на уште еден континентален собир. Денеска во Минхен беа извлечени евроквалификациските групи за Евробаскет 2021, а нашата репрезентација е дел од групата Б.

Првиот квалификациски прозорец е предвиден да се одигра во февруари 2020 година, вториот во ноември истата година, а последниот прозорец во февруари 2021 година. Осум групи се составени од по четири тимови.

Системот налага да секоја репрезентација одигра натпревар против сите противници во групата, на домашен и на гостински терен. Првите три тима од секоја група, со исклучок на организаторите, ќе се квалификуваат на Евробаскет 2021. Од групите каде ќе бидат сместени организаторите ќе се пласираат две репрезентации.

Распоред на натпревари:

20/21.02.2020
Македонија – Естонија
23/24.02.2020
Русија – Македонија

26/27.11.2020
Италија – Македонија
29/30.11.2020
Естонија – Македонија

18/19.02.2021
Македонија – Русија
21/22.02.2021
Македонија – Италија

Ова се и останатите групи кои се формираа денеска во Минхен:

КВАЛИФИКАЦИИ ЗА ЕП 2021 (МАЖИ)

ГРУПА А: Шпанија, Полска, Израел, Слв/Кип/
ГРУПА Б: Италија, Русија, Македонија, Естонија
ГРУПА Ц: Литванија, Чешка, Белгија, Алб/Блр/Дан
ГРУПА Д: Хрватска, Турција, Холандија, Шведска
ГРУПА Е: Србија, Финска, Грузија, Шва/Пор/Исл
ГРУПА Ф: Словенија, Украина, Унгарија, Австрија.
ГРУПА Г: Франција, Германија, Црна Гора, Кос/В.Б/Лук
ГРУПА Х: Грција, Летонија, БиХ, Бугарија.