Кошаркарската репрезентација во 12 часот ќе ги добие противниците за пласман на ЕП 2021

Денеска од 12 часот во Минхен, Германија ќе се одржи ждрепката за Европското првенство во кошарка 2021.

Кошаркарската репрезентација на Македонија, ќе ги дознае противниците за главната квалификациска рунда за Евробаскет 2021.

ФИБА одреди осум барабани за полудиригираната ждрепка, според која Македонија се наоѓа во шеститот со селекциите на Унгарија, Босна и Херцеговина и Холандија.

Триесет и две репрезентации од Европа ќе се натпреваруваат во квалификациите за Европското првенство кое ќе се одигра во 2021 година, во Чешка, Грузија, Германија и во Италија. На ЕП 2021 ќе се пласираат по три селекции од секоја од осумте групи, вклучувајќи ги тука и домаќините.