Кошаркарски спектакл во Загреб, во чест на Дражен Петровиќ

Вечерва, Загреб ќе биде домаќин на големиот кошаркарски спектакл по повод 60-годишнината од раѓањето на легендарниот Дражен Петровиќ. Во Арена Загреб ќе се одигра егзибицискиот натпревар помеѓу актуелната хрватска репрезентација и „Тим Дражен“, составен од некои од најзначајните имиња на европската и светската кошарка.

Натпреварот ќе ги собере ѕвездите на европската кошарка, вклучувајќи ги Валтер Тавареш, Џанан Муса, Шејн Ларкин, Матијас Лесор, Вања Маринковиќ, Бојан Богдановиќ, Дарио Шариќ, Ивица Зубаци и многу други. Присуство ќе имаат и актуелните кошаркарски ѕвезди Лука Дончиќ и Горан Драгиќ, додека доаѓањето на Никола Јокиќ се уште не е потврдено. Дополнително, на настанот ќе бидат присутни и други кошаркари и ветерани кои имаа чест да играат против Дражен Петровиќ во својата кариера.

Организатор на овој незаборавен настан е Ацо Петровиќ, братот на славниот Хрватски кошаркар, кој најави дека ова ќе биде една од најзначајните спортски манифестации во регионот. Натпреварот е дел од дводневната манифестација која се одржува во Загреб. Меѓу присутните легенди се и Владе Дивац, Среќко Јариќ, Дино Раѓа, Светислав Пешиќ и ред други живи легенди на кошарката.

„Тим Дражен“ – екпата составена од европските ѕвезди на натпреварот ќе ја води најдобриот кошаркарски тренер на сите времиња Жељко Обрадовиќ.

Дражен Петровиќ (КК Цибона) и Желимир Жељко Обрадовиќ (КК Партизан) во еден од безбројните нивни дуели како играчи од сезоната 1986/87 во првенството на СФРЈ во кошарка. Дражен Петровиќ ја освои титулата со својот клуб Цибона.

Дражен Петровиќ, кој почина во трагична сообраќајна несреќа на 7 јуни 1993 година, остави длабок траг во југословенската кошарката со неговата кариера која вклучува четири сезони во НБА со Њу Џерси Нетс и Портланд Трејл Блејзерс, по брилијантниот старт во Европа.

Овој натпревар, кој ќе започне во 20 часот, ќе биде достапен за гледачите преку директен ТВ пренос на каналот SpotKlub 1.