Ковачевски: Нека ни е честита победата на Медат Куртовски во Маврово и Ростуше

Претседателот на СДСМ и премиер Димитар Ковачевски вечерва од Маврово прогласи победа на нивниот кандидат, Медат Куртовски на изборите за градоначалник на Општина Маврово и Ростуше.

„Нека ни е честита победата на градоначалникот Медат Куртовски. Денес е голем ден, застанавте и одлучно кажавте дека Маврово и Ростуше сака да оди напред. Благодарам на сите граѓани кои дадоа свој глас и придонесоа овој ден да помине фер и достоинствено. 3.238 гласови наспроти 1.900, се потврда дека Медат одлично си ја врши својата работа последните 4 години и со уште поголем елан ќе ја извршува својата функција во наредните 4 години. Му честитам на Медат и ве уверувам дека ќе продолжи со посветена работа за цело Маврово и Ростуше, да ги реализира ветените проекти, а во тоа ќе има поддршка од државата затоа што граѓаните тоа го заслужуваат“, рече Ковачевски.

Благодарност до граѓаните упати и Куртовски.

„Честитки до сите граѓани за успешно завршениот изборен процес. Како не би бил успешен кога тука живеат кротки и скромни луѓе, почитувани и во државата и во дијаспората. Се заблагодарувам на сите кои беа дел од овој фер и демократки изборен процес.“, рече тој.