Крадци од Черчиловата палата украле WC шолја од 4,8 милиони фунти

Крадци украле целосно функционална 18-каратна златна тоалетна шолја од британскиот дворец Бленхајм, каде што беше изложена како уметничко дело.

Шолјата, вредна повеќе од пет милиони долари, била дел од изложбата на италијанскиот концептуален уметник Маурициус Кателано, која беше отворена пред два дена во прекрасната палата на околу 100 километри западно од Лондон, пренесува Ројтерс .

Крадците провалиле во палатата, во родното место на славниот британски премиер Винстон Черчил, со најмалку две возила и ја украле шолјата вчера нешто пред 17 часот. Бидејќи шолјата била во функција, поврзана на водоводната мрежа, предизвикана е дополнителна материјална штета од истекување на водата, палатата е дел од светското наследство на УНЕСКО.

Како осомничен дека учествувал вокражбата утрово е уапсен маж на возраст од 66 години. Самото уметничко дело се уште не е пронајдено.