Здравје и убавина
Краставицата е закон за освежување на кожата, направете си сами маска или тоник
Краставицата има дејство на освежување, смирување и хидрирање на кожата. Затоа, многу често се употребува за нега на лицето. Ви пренесуваме неколку начини на подготовка на тоник или маска за лице на база на краставица. Резултатот ќе го почувствувате веднаш!
Тоник 1
Потребна ви е една краставица, средна големина. Најпрво измијте ја убаво и излупете ја. Потоа изблендирајте ја и од блендираната смеса исцедете ја течноста преку газа. Вака подготвениот тоник може да го ставите во шишенце со распрскувач и со прскање да го освежувате лицето. Може да го нанесувате и со помош на памук. Доколку имате изразени подочници, може да држите на нив памук натопен во тоникот.
Тоник 2
1 краставица
1 лимон
1 лажица мед
Течноста од краставицата подгответе ја како во претходниот тоник. Потоа, измешајте ја со сокот од лимон и медот. Вака подготвениот тоник има рок на траење 4 дена, доколку се чува во фрижидер. Се нанесува за освежување на лицето со помош на памук, после миење.
Маска 1
Изрендајте ситно една краставица (излупена). Додадете 5 лажици јогурт и лажичка мед, па убаво измешајте. Маската се нанесува на чисто лице и треба да отстои 30 минути, по што се мие со млака вода. Се препорачува за мрсна кожа.
Маска 2
Изрендајте ситно една краставица (излупена). Додадете 2-3 лажички алое вера гел и убаво измешајте. Нанесете ја маската на чисто лице, избегнувајќи го пределот кај очите. Оставете да делува 30 минути, а потоа измијте ја со млака вода. Се препорачува за сува кожа.
Совет плус: Облога од краставица може да помогне при изгореници од сонце. Исецкајте ја краставицата ситно или изрендајте ја и ставете ја во газа, па нанесете на местото кадешто е изгорена кожата.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар