Кражба во куќа на печалбар во Чегране, украден накит вреден околу 7.000 евра

За сега непознати сторители провалиле во куќа во гостиварското село Чегране од каде украле златен накит вреден околу 7.000 евра. Кражбата била пријавена вчера, а се случила во периодот помеѓу 8-ми и 10-ти овој месец, во куќата на чегранецот Б.А, времено вработен во Германија.

Според информациите од СВР Тетово, крадците откако насилно го отвориле прозорецот во приземјето од источната страна на куќата, пребарувале, се искачиле на катот и од една од собите одзеле повеќе парчиња разновиден златен накит: ќустек, алки, прстени и друго.  Со одземениот накит, незабележани од никого, на ист начин  како што влегле, ја напуштиле куќата.

По извршениот увид се работи на расветлување на пријавеното и на откривање на сторителите, известува полицијата.