Кражба во куќа во Беловиште: Сопствениците останале без 1.100 евра

Педесет и двегодишен жител на гостиварското село Беловиште, пријавил кражба во неговиот дом, информира полицијата. Според пријавеното, вчера наутро  помеѓу 5 часот и 45 минути и 6 часот и 20 минути, засега непознати сторители на неутврден начин влегле во спалната и му го одзеле паричникот во кој имал 750 евра и 21 илјада денари, противправно стекнувајќи се со вкупна имотна корист која се проценува на околу 67 илјади денари.

За време на кражбата тој бил во бањата, додека неговата сопруга спиела и не забележала ништо.

Извршен е комплетен увид, се расветлува пријавеното и се работи на откривање на сторителите, соопштува СВР Тетово.